Ako ste presolili supu, gulaš ili umak, dodajte vode ili neslanog temeljca te ubacite povrće poput luka i šargarepe pa nastavite da kuvate još desetak minuta. I kiselina pomaže u
ublažavanju slanog ukusa – dodajte jelu limunovog soka ili sirćeta. Slanost jela možete smanjiti i dodavanjem šećera ili meda. Ako recept dopušta, dodajte mlijeko ili jogurt jer
oni takođe “ubijaju” sol.
U narodu postoji još jedan savjet – kad presolite jelo, ubacite jedan oljušteni krumpir ili jabuku, koji će upiti višak soli, i nakon kuvanja ga/je bacite. Iskusni kuvari savjetuju da ne
probate jelo samo malo prije nego što je gotovo nego tokom cijelog kuvanja. Budite oprezni i s dodavanjem pelata iz limenke, slanine, maslina ili kapara, koji obiluju solju.
Odličan dodatak preslanim jelima je povrće poput tikvica narezanih na kockice, koje će neutralizovati slani okus, a umak u koji ste dodali previše začina najbolje je ublažiti
slatkim okusima poput paradajza, koje će ublažiti ljutinu.
Slavna američka kuvarica Martka Stjuart u previše začinjena jela predlaže dodavanje masnije pavlake, poput one za šlag bez šećera ili drugog kremastog mliječnog proizvoda koji
će ublažiti umak. Možete dodati i malo mlijeka s gustinom i rastopljenim sirom ili blagim sirom za mazanje.
Fini umaci – Nakon dodavanja vode ili temeljca – supe, variva i umake možete zgusnuti dodavanjem zaprške ili bešamel-umaka.
Vino i sirće – Osim za preslana jela, sirće, vino, limun ili limeta spašavaju ručak s previše ljutih papričica ili papra.
Fina supa – Ako vam je izletjelo previše ulja u supu, procijedite je kroz vlažnu krpu namočenu u hladnu vodu ili ubacite koju kockicu leda pa brzo izvadite,pišu Malisaveti
