Uostalom to govori i činjenica da se pojedini primjerci mjesecima, pa i godinama nalaze u oglasima.
Ipak, ne treba odustati jer postoje oldtajmeri kojima bi u bliskoj budućnosti mogla da poraste cijena, piše Index.hr.
Jednu zanimljivu prognozu daje Hagerty, a koju prije svega bazira na iskustvu s američkog tržišta. Dali su listu deset modela kojima će cijena najbrže rasti u bliskoj budućnosti.
Na listi je 10 modela, a to su:
- 1963-1967 Mercedes-Benz 230SL
- 1965-1970 Cadillac DeVille
- 1966-1967 Pontiac GTO
- 1969-1974 Ferrari 246 Dino
- 1975-1993 Volvo 245
- 1979-1985 Mazda RX-7
- 1983-1997 Land Rover Defender
- 1985-1995 Suzuki Samurai
- 1992-1995 Porsche 968
- 2008-2012 Tesla Roadster
Svima je jasno da će jednom Mercedesu 230 SL poznatijem kao Pagoda cijena rasti, baš kao i Ferrariju 246 Dino. Međutim, malo ko bi očekivao da je prvi Teslin Roadster baziran na Lotusu pametno ulaganje. Hagerty kaže da je Pagodi vrijednost za godinu dana porasla čak 35 posto, što ulaganje u automobilske klasike čine itekako opravdanim.
Međutim, šta reći za Mazdu RX-7 koju su mnogi davno otpisali zbog Wankel motora. Vrijednost joj je za samo pet godina porasla čak 137 posto.
Drugi model koji će samo neke iznenaditi je Suzuki Samurai. Prethodnik Jimnyja je legendarno terensko vozilo, a i danas ga biraju svi koji vole da na četiri točka uđu u šumu, piše B92.
