BBoško Borilović, brat Vuka Borilovića, koji je počionio stravičan masakr na Cetinju usmrtivši 10, a ranivši šest osoba, obratio se redakciji RTV Cetinje sa molbom da njegovo pismo bude objavljeno.
– Ovim putem želim da se obratim i izjavim saučešće porodicama i komšijama nastradalih, a ni sam ne znam kako. To su bili sve dobri i pošteni ljudi i znam da ni jedna moja riječ ne može ublažiti tugu i patnju za njihovim najmilijima. Žao mi je što nismo ja i moja porodica na mjestu njihovih najvoljenijih, da ne nose ovu muku i patnju – navodi Boško Borilović u pismu.
Kako kaže, čitav život se borio za neki životni mir i sreću svih, ali, kako dođe, oni ih više nemaju, niti će ih više ikada imati, kao ni oni što izgubiše svoje najmilije koji su stradali ni krivi ni dužni od našeg nesretnika sa kojim sam se podigao.
– Da mi je jedna dlaka na glavi u životu promislila da je za takvo zlodjelo rođen, moja bi mu ruka sudila. Niti mu groba znam, niti želim da znam, jer za zlodjelo koje je napravio nema nijedne riječi opravdanja i utjehe. Samo ne želim da iko doživi sudbinu njihovih porodica i moje, koja je sada beznačajna i uništena – zaključuje on u pismu.
Podsjetimo, Vuk Borilović (34) je 12. avgusta u krvavom piru na Cetinju ubio 10 osoba, a ranio još šestoro sugradana, medu žrtvama je bilo i dvoje djece.
